BAKI, AzerVoice, Nailə Babazadə
Azərbaycan-Gürcüstan sərhədində baş vermiş təyyarə qəzası ilə bağlı axtarış-xilas və qəza araşdırma işlərinin davam etdiyini Burhanettin Duran bildirib.
AzerVoice xəbər verir ki, o qeyd edib ki, şəhid olan hərbçilərin nəşləri, axtarış-xilas və qəza araşdırma heyətini Gürcüstana aparan A-400M təyyarəsi ilə ölkəyə gətiriləcək.
Duran bildirib ki, ilk andan etibarən bütün imkanlarını səfərbər edərək sürətli reaksiyalar göstərən və dəstək verən Gürcüstan hakimiyyətinə təşəkkür edirlər.
O əlavə edib ki, təyyarə qəzası ilə bağlı hər hansı yeni inkişaflar ictimaiyyətlə paylaşılmağa davam ediləcək.
Xatırladaq ki, Türkiyə Müdafiə Nazirliyi dünən açıqlama yayaraq, Azərbaycandan Türkiyəyə uçan C-130 tipli hərbi yük təyyarəsinin Gürcüstan–Azərbaycan sərhədi yaxınlığında qəzaya uğradığını bildirmişdi. Qəza nəticəsində təyyarədə olan 20 hərbçinin şəhid olduğu açıqlanıb.
